Transcription
1
Reçue à Grenoble, le 29 janvier 1573.
2
Monsieur, par le presant porteur, le sieur Gaspar Chareny, vous ay vollu
3
escripre ce mot pour vous remercier humblemant les honnestes offres quil
4
vous a pleu par votre derniere lettre moy presenter et en special pour le faict de
5
mes enfentz de Venterol sur le faict des lodz de la terre de Saint Maurie
6
qui se porront monter deux mil francs en plus sens layde de nous
7
bons seigneurs et amys desquels moy et mesdictz enfentz et ma filhe vous
8
tenons le premier et le plus principal. Le père vous a esté serviteur et
9
les enfentz vous feront service ung jour, Dieu aydant. Je vous supplie
10
monsieur les havoir pour recommandés. Aussy vous vouldrés bien fère
11
entendre comme ma mayson de Guysans où je suys à presant est yci à la
12
gorge des lops de tous ceulx de la relligion, estant au millieu de
13
Bordeaulx, de Dieu le Fit et Condorcés et le passage de tout ce pays qui
14
pourront aller à Montbrun, combien que ceulx dudit Condorcés m’ont
15
tous promis la foy et y font bonne garde, leur ayant monstré votre lettre
16
sont fort obeyssantz et rengés à la relligion du roy. Mays ceulx de Bordeaulx
17
sont tousjours plus accariastres et ne scay quil en porra advenyr.
18
Parquoy monsieur, vous vouldrès supplier me donner mes subjectz
19
de Sainct Mazel et aultres despendentz mes subjectz pour m’ayder à garder
20
ma mayson, et par mesmes moyen les exempter de la contribution
21
quilz font à la ville de Dye car ma mayson est daultant d’importance
22
pour le service du roy tant pour tant que Dye et an lieu le plus à
23
craindre silz vollient se remuer et qui seroyt aultant demuny car
24
elle est assés fort et me samble quil est plus raysonnable que
25
mes subjectz maydent à garder ma mayson que à garder la ville de
26
Dye, joinct que je suys contrainct men aller de madite mayson de Guysans
27
pour deux moys en une aultre myenne pour des affères qui me sont
28
fort necessères et où ilz me fauldroyt tenyr huict ou dix soldatz à madite
29
mayson m’est une grande despence et mesdictz subjectz sont en fort bonne
30
vollanté à la me garder avecq votre permission et descharge de ceulx
31
de Dye, vous suppliant, monsieur, n’estre marry sy je ne leur permetz
32
contribuer audit Dye, joinct que à Falhens, La Mote et Glandage se
33
gardantz sont exemptz ; vous asseurant que madite mayson est de plus
34
d’importance que piece de ceulx là et plus forte de beaucoup que Falhens et
35
La Mote et qui devroyt plus demuny. Je vous supplie ne me
36
volloir reffuzer mes pouvres subjectz car feront cella fort libremant
37
et je vous en demeurerey obligé et prest à vous obéyr toute ma vye
38
[72 v°] d’aussy bon ceur que je vous supplie me recepvoir à votre bonne grace
39
A laquelle très humblement me recomande. Priant Notre Seigneur vous
40
donner,
41
monsieur, en santé, prosperité et longue vie. D’une votre obeyssante
42
mayson de Guysans, ce quinzième jour de janvier.
43
Le present porteur vous fera entendre enquoy importe
44
ma mayson et certaines particullarités qui se presentent
45
en ces cartiers desquelles peult estre nestes adverty
46
Votre plus humble et obeyssant à vous faire service Parys